back to Books

مار جرجس شويتا

تلّة ودير، شجرة وفيّة، وصخرة وبير
حجار وعقد، وجرن عماد، وعتبة باب صغير

ساحة وسور، بقلب الصمت، وصوت بيصرخ يا قدير
هوني شرودك حتماً واقع، وفكرك حايص بدّو يطير

مخمّن إنّو وعيك يرجع، هيدا بسرعة صعب يصير
ركوعك وارد وعقلك شارد، حلّك توعى يا ضمير

حصان وسرج وخوذة ودرع، جرجس قدّيس كبير
سرّو مخبّى بقلب المعبد، وشجرة قالت عنّو كتير

حجار بتحكي وتمّها مسكّر، شي بيحيّر التفكير
إن كنّك مؤمن، متلك متلو، صوّب رمحك ع الشرّير

 

(بمناسبة عيد مار جرجس 2009 – الخوري منير حاكمة) 

back to Books